Kinë, sektori i prodhimit në rimëkëmbje të fortë

Aktiviteti prodhues në Kinë u rrit në korrik me ritmin më të shpejtë në pothuajse një dekadë, sipas një sondazhi privat të publikuar sot.

“Prodhimi dhe porositë e reja kanë shënuar rritjen më të shpejtë mujore që nga janari 2011”, tregoi sondazhi.

“Megjithatë, punësimi ka rënë për të shtatin muaj radhazi, ndërkohë që disa ndërmarrje kanë pushuar punonjësit për të ulur kostot”, vazhdoi sondazhi.

Gjithashtu, ekonomia u rrit me 3,2 % në tremujorin e dytë të vitit, sipas të dhënave zyrtare, pas një tkurrjeje me 6,8 % në tremujorin e parë, për shkak të shpërthimit të COVID-19.