Ish presidenti francez nën hetime për abuzim seksual

epa07070932 Member of the Constitutional Council Valery Giscard d'Estaing looks on at the Constitutional Council in Paris, France, 04 October 2018, during a meeting to mark the 60th anniversary of the promulgation of the Constitution of the Fifth Republic adopted by referendum on 28 September 1958. EPA-EFE/THOMAS SAMSON / POOL MAXPPP OUT

Prokuroria e Parisit ka hapur hetim kundër ish-presidentit francez Valeri Zhiskar Desten, (94), nën akuzën për abuzim seksual të një gazetareje gjermane.

Sipas prokurorisë, hetimi ndaj Desten u hap në bazë të pretendimeve të gazetares së gazetës gjermane “Zidojçe Cajtung” se ish-presidenti francez e sulmoi seksualisht atë gjatë një interviste në vitin 2018.

Sipas gazetës gjermane dhe asaj parisiane “Mond”, gazetarja pretendon se Desten gjatë intervistës tri herë e kishe kapur për prapanice dhe se ajo është mbrojtur duke u përpjekur t’ia largonte dorën.

Televizioni gjerman Ve-De-Er, për të cilin gazetarja e përgatiti intervistën, më parë publikoi se për këtë incident është duke u zhvilluar hetim.

Avokati i Destenit tha që klienti i tij “nuk e mban mend” incidentin për të cilin gazetarja e akuzon atë.

Desten ishte president i Francës nga viti 1974 deri në vitin 1981.