Analisti që e ofendoi diasporën, tani e ofendon edhe Vetëvendosjen

Analisti Valon Syla në emisionin Pressing të T7, ka komentuar listën e Vetëvendosjes për deputetë, për të cilën thotë se është e ngjashme me dyqanet “gjithçka një euro”.

Sipas Sylës, lista e Vetëvendosjes nuk ka ideologji. Aty ka njerëz që përfaqësojnë rryma të ndryshme.

“Vetëvendosje si një çorbë apo kazan i të gjitha ideologjive, ka futur në listë islamist, e rryma të tjera ideologjike si enverist, marksist e leninist”, është shprehur Syla.

“Kjo listë ta çon mallin e atyre dyqaneve gjithçka 1 euro. Këtu nuk ka identitet. Këta nuk besojnë në një ideologji”.

Tutje, ai ka thënë se është e pamundur që Haki Abazi dhe Avni Dehari të kandidojnë në një listë. Për këtë jep edhe sqarim.

“Është e pamundur Haki Abazi dhe Avni Dehari të jenë në një listë sepse është Haki Abazi ai që e akuzon Vetëvendosjen për vdekjen e djemve të tij”, shtoi Syla.