Në 24 orët e fundit 768 qytetarë të ardhur nga vendet e jashtme dolën nga karantina shtetërore. Sipas dekretit të Qeverisë, të gjithë qytetarët të cilët pandemia Kovid 19 i zuri jashtë vendit, patjetër e kanë të shkojnë të paktën në izolim shtetëror të mbikëqyrur nga shteti. Njëri prej atyre që ishin në karantinë shtetërore është edhe Lavdrim Saliu. Ai është kthyer me fluturim “humanitarë” nga Gjermania që i ka kushtuar 120 euro. Ka qenë i vendosur në hotelin Molika në Pelister.
Saliu me 80 persona të tjerë janë vendosur në hotelin Molika. Ai nuk ka simptoma të Korona virusit.
Deri tani nga karantina shtetërore kanë dalë 2200 qytetarë. Për momentin rreth 800 persona ende janë në karantinë shtetërore. Nga Qeveria sqaruan se në vend presin të kthehen edhe rreth 100 studentë nga Turqia, ndërsa në vendkalimet kufitare në ditë kthehen nga 40 deri 50 qytetarë të vendit. Sipas numrave nga Ministria e Shëndetësisë, në vetë-izolim gjenden më shumë se 10 mijë qytetarë.
