Ka përfunduar takimi i kryeministrit të Kosovës, Avdullah Hoti me liderët politikë në Kosovë.
Hoti tha se të gjithë pa përjashtim i dhanë mbështetje qasjes që e ka qeveria dhe parimeve të vendosura për dialogun.
“Ne jemi gati të ulemi në tavolinë të dialogut për marrëveshje përfundimtare që nënkupton njohje reciproke”, tha Hoti.
Hoti tha se kanë kompletuar mozaikun e nevojshëm për krijimin e konsensusit shoqëror për ketë çështje.
Ai tha se të martën do të raportojë para Kuvendit të Kosovës lidhur me platformën e dialogut.
Kreu i ekzekutivit kosovar, Hoti theksoi se ai ka mandat për të përfaqësuar vendin në takimet e dialogut.
