Menjëherë pas hyrjes në fuqi të vendimeve të QEverisë për përcaktimin e çmimeve për makarona, qumësht, djath, gjizë, kaçkavall, jogurt dhe kos, Inspektorati Shtetëror i Tregut do të del në teren për të kontrolluar zbatimin e vendimit.
Nga Inspektorati i Tregut të Punës thonë se dënimet për mosrespektim të vendimeve janë nga 800 deri në 10 mijë euro, varësisht nga lloji i operatorit ekonomik.
“Vendimet janë marrë në interes të qytetarëve dhe nevojave të tyre dhe hynë në fuqi nga 16 marsi i këtij viti. Është kohë e mjaftueshme që tregtarët t’i rregullojnë çmimet. U bëjmë apel t’i respektojnë vendimet për shkak se pa dallime, do të vijojnë gjoba, ndërsa qytetarëve u bëjmë thirrje që parregullsitë t’i paraqesin një inspektorat”, thonë nga Inspektorati Shtetëror i Tregut.
Kujtojmë se kryeministri i RMV-së Dimitar Kovaçevski, së bashku me ministrin e Ekonomisë Kreshnik Bekteshi, sot në konferencë për shtyp, treguan vendimet e reja të qeverisë në lidhje me çmimet e produkteve bazë./Telegrafi/
