Kryeministri DImitar Kovaçevski sot takoi kryeministren serve, Ana Bërnabiq. Kovaçevski theksoi se temë kryesore në takim ka qenë nisma Ballkani i Hapur dhe intensifikimi i bashkëpunimit mes vendeve të përfshira në këtë iniciativë.
“Gjatë vizitës së sotme të punës së kryeministres së Republikës së Serbisë, Ana Bërnabiq diskutuam për disa tema të rëndësishme për të dy vendet, duke përfshirë Ballkanin e Hapur, si një nismë e shkëlqyer dhe impuls shtesë për bashkëpunimin rajonal, fqinjësinë e mirë dhe zbatimin e vlerave evropiane në rajonin tonë. Organizimi i sesionit të tretë të përbashkët do të jetë një shtysë pozitive për zhvillimin dhe intensifikimin e mëtejshëm të marrëdhënieve dhe bashkëpunimit, veçanërisht në fushën e ekonomisë”, ka shkruar Kovaçevski.
