Ekspertët parashohin një rritje të re të çmimit të rrymës edhe në Maqedoni

Çmimi i energjisë elektrike në bursë është vazhdimisht në rritje, për shkak të pasigurisë më të theksuar në furnizimin me gaz dhe temperaturave të larta që ndikojnë në thatësinë e ujrave të lumenjëve.

Për këto arsye “zhvillimi i mëtejshëm i situatës është i paparashikueshëm dhe në vjeshtë mund të ketë një rritje të re çmimi”, tha Stefan Tsach, zëdhënës i kompanisë austriake energjetike EVN.

Tsach theksoi se rritja e çmimit të energjisë elektrike në tregun e energjisë ka marrë përmasa historike.

Ekspertët prisnin që gjatë verës çmimi të mund të bjerë, megjithëse temperaturat e larta në Evropë janë reflektuar edhe në nivelin e ujit të lumenjve, gjë që ka pasoja indirekte në prodhimin e energjisë elektrike dhe në mënyrë indirekte vështirëson transportin e qymyrit.

Gjithashtu, për shkak të motit të nxehtë është e vështirë ftohja e objekteve të prodhimit të energjisë elektrike.

Në Austri, për shkak të nivelit të ulët të ujit të lumenjve, prodhimi i energjisë elektrike në hidrocentrale është në rënie.

Kompania “Ferbund” tha se për shkak të nivelit të ulët të ujit, prodhimi i energjisë elektrike në hidrocentrale aktualisht është nën mesataren, por ende brenda niveleve afatgjata.