Euro-komesari i ri për zgjerim Oliver Varheli më 15 dhe 16 janar do të vijë për vizitë në Maqedoninë e Veriut, njoton MIA. Kjo do të jetë vizita e parë e tij pas marrjes së detyrës së euro-komesarit.
Pritet që Varheli zhvillojë takime me përfaqësues qeveritar në të cilët do të flitet për metodologjinë e re të propozuar nga Franca dhe progresin e reformave në vend, veçanëisht sjelljen e ligjit për Prokurori publike.
Komisioni Evropian në shkurt do të publikojë një mini-raport për Maqedoninë e Veriut dhe Shqipërinë, ndërsa metodologjia e re, sipas paralajmërimeve, pritet të miratohet në mars.
Muajin e kaluar euro-komesari Varheli tha se negociatat qasëse me Maqedoninë e Veriut dhe Shqipërinë duhet të fillojnë në pranverë. Ai atëherë tha se BE-ja duhet ta përmirësojë gabimin e dhjetorit. Vendet anëtare të BE-së nuk u pajtuan për fillimin e negociatave me të dyja vendet për shkak të kundërshtimit nga Franca e cila sërish kushtëzoi hapjen e negociatave me metodologjinë e re të bisedimeve.
Komisioni Evropian duhet të dalë me propozim për metodologjinë e re deri në fund të janarit.
