Në hotelin Continental në Shkup nga dje ka nisur turneu ndërkombëtar në shah “Skopje Open 2019”. Gjatë ditës së sotme janë luajtur ndeshjet e xhiros së dytë dhe të tretë.
Po marrin pjesë 80 shahistë (tre kryemjeshër, tre mjeshtër ndërkombëtar, tetë fide-mjeshtër, dhe një fide-mjeshtër femër) nga 6 shtete si: Maqedonia e Veriut, Shqipëria, Serbia, Belgjika, Bulgaria dhe Rusia.
Shqipërinë e shahut po e prezantojnë: Kampionia Klean Shuqja, Adrian Guri, Shkëlqim Çela, trajneri i të rinjve të Shqipërisë.
Shuqja remizoi me kryemjeshtrin bullgar Dimitrov.
Turneu po luhet sipas sistemit zviceran prej 9 xhirove, kurse në lojë zgjatë 90 minuta për lojtar dhe 30 sekonda për lëvizje.
Arbitër në “Skopje Open” është referi i njohur nga Kumanova, Agim Shemshiu.
Fondi shpërblyes në turne është 2.000 euro. Turneu do të përfundojë të mërkurën me 11 dhjetor.