Nga vendosja e taksës 100 për qind për produktet nga Serbia dhe Bosnja e Hercegovina, ka pasur rënie të importit nga këto dy vende.

Sipas të dhënave që i ka siguruar Telegrafi nga Dogana e Kosovës, për periudhën janar-mars 2018 dhe 2019, del që Serbia nga kjo taksë ka humbur 98.15 për qind të importit, ndërsa Bosnja dhe Herzegovina ka humbur 89.51 për qind.
Në tremujorin e parë të 2018-së, Serbia në vendin tonë kishte eksportuar 97.8 milionë euro mallra, ndërsa këtë vit vlera e eksportit është afër 2 milionë euro.

Po ashtu, Bosnja dhe Hercegovina në pjesën e parë të vitit 2018 kishte eksportuar 14.3 milionë euro, mirëpo kjo vlerë në vitin 2019 është 1.5 milionë euro, shkruan Telegrafi.